呢套戲改編網上作家小姓奴先生嘅力作. 承接了一路向西.紅VAN等改編電影熱潮.開場係二世祖 于日晨 (王宗堯飾) 赤裸狂奔, 交代佢得罪咗阿積 (張建聲飾) 先有咁夸舉動.隨即轉到赤柱花廳大牢. 原嚟花花于大少喝多咗仲帶條三八波霸酒後危駕撞死阿婆要踎監.入冊第一激, 家陣好文明, 有X光機, 點知到大少時, 部機壞L咗, 咁要通柜!入到大倉, 有好文明嘅規條, 司徒 (黃光亮飾) 做大佬, 跟住有野狼 (姜皓文飾) 陳奐仁咁嘅手下, 老油條係廖啟智, 看倉佬盧惠光, 花廳總廳長徐錦江......被人老點叫甲由(小強) 嘅伍仔 (蔡翰億飾) 親近闊少, 教他規矩, 最重要係買煙.煙仔, 香煙, 係花廳內流通貨幣, 你廳外俾錢買煙, 愈多包煙就可有越多牢友提供服務, 可以食好D, 有人按摩, 有人疊被, 搵人代拾叉燒(洗衣), 仲可買肥妹仔(男人性用品) 服侍.仲可搵人睇住浴室門口, 包場沖涼, 咁咪跌肥皂都唔使驚.司徒踢爆伍仔騙闊少騙煙仔, 反令大少與伍仔成真正好友.戲肉係阿積入冊, 佢衰強奸, 牢友照老規矩招...
